ગુજરાતી સુપરહિટ ફિલ્મ ‘લાલો’એ 100 કરોડનો આંકડો પાર કરીને ઐતિહાસિક સફળતા મેળવી છે. હવે ફિલ્મની સંપૂર્ણ ટીમ ડિસેમ્બર પહેલા સપ્તાહે દ્વારકા જઈ દ્વારકાધીશના દર્શન કરશે અને આ સિદ્ધિ માટે આભાર વ્યક્ત કરશે.
ગુજરાતી ફિલ્મ ઈન્ડસ્ટ્રી માટે ગૌરવનો ક્ષણ સર્જનાર સુપરહિટ ફિલ્મ *‘લાલો’*એ બોક્સ ઑફિસ પર ધમાકેદાર કમાણી કરતાં 100 કરોડના ક્લબમાં ઐતિહાસિક એન્ટ્રી મારી છે. રિલીઝના થોડાક જ દિવસોમાં આકર્ષક કલેક્શન કરતા ફિલ્મે માત્ર ગુજરાત નહીં પરંતુ ભારતીય સિનેમાના દાયકાઓ જૂના રેકોર્ડને પણ પડકાર્યા છે.
ફિલ્મની અભૂતપૂર્વ સફળતા બાદ હવે ‘લાલો’ની સંપૂર્ણ ટીમ એક વિશેષ નિર્ણય લઈ રહી છે. મળતી માહિતી મુજબ, નિર્માતા અને મુખ્ય કલાકારોએ ડિસેમ્બર મહિનાના પહેલા સપ્તાહે પવિત્ર દ્વારકા ધામ જઈને દ્વારકાધીશ ભગવાનના ચરણોમાં શીશ ઝુકાવવાનું નક્કી કર્યું છે.
આભાર વ્યક્ત કરવા, લોકોના પ્રેમ અને ઈશ્વરીય કૃપા માટે ટીમ આ ધાર્મિક યાત્રા કરશે. ટીમના નજીકના સૂત્રો જણાવે છે કે ફિલ્મની સફળતા પાછળ “દેવનો આશીર્વાદ, ગુજરાતીઓનો પ્રેમ અને સાચી કથાવસ્તુ” સૌથી મોટી શક્તિ છે.
ચાહકોમાં આ સમાચારને લઈને ભારે ઉત્સાહ જોવા મળી રહ્યો છે. ઘણા લોકો ટીમને દ્વારકામાં મળવા આતુર છે. ફિલ્મની આ યાત્રા અને દર્શનની ચોક્કસ તારીખ ટૂંક સમયમાં ઓફિશિયલી જાહેર કરાશે.
‘લાલો’નું મ્યુઝિક, ડાયલોગ્સ અને અભિનયે ફિલ્મને ગુજરાતી સિનેમાની ઐતિહાસિક ફિલ્મોની યાદીમાં સ્થાન અપાવ્યું છે. 100 કરોડનું કલેક્શન મેળવી ફિલ્મે ઇન્ડસ્ટ્રીમાં નવો માઈલસ્ટોન સ્થાપ્યો છે.
