દ્વારકાના રહેવાસીઓ માટે આરોગ્ય ક્ષેત્રે એક મહત્વપૂર્ણ અને લાભદાયક જાહેરાત સામે આવી છે. શહેરની વ્રજ હોસ્પિટલમાં હવે આધુનિક અને નિષ્ણાત ફિઝિયોથેરાપી સેવાઓ ઉપલબ્ધ બની છે, જેમાં ખાસ કરીને વિવિધ પ્રકારના દુખાવા અને ન્યુરોલોજીકલ સમસ્યાઓ માટે અસરકારક સારવાર આપવામાં આવશે.
વ્રજ હોસ્પિટલ દ્વારા 15 દિવસનો સંપૂર્ણ મફત ફિઝિયોથેરાપી કેમ્પ યોજવામાં આવી રહ્યો છે, જે તારીખ 16 ડિસેમ્બર 2025થી 31 ડિસેમ્બર 2025 સુધી ચાલશે. આ કેમ્પમાં ડૉ. હર્ષિતા લધાણી (BPT, MPT – Neurological Conditions) દ્વારા દર્દીઓને વ્યાવસાયિક અને વ્યક્તિગત સારવાર આપવામાં આવશે.
કેમ્પ દરમિયાન સાંધાનો દુખાવો, પીઠનો દુખાવો, ગરદનનો દુખાવો, કમરનો દુખાવો, સાયટિકા, સ્લિપ ડિસ્ક જેવી સમસ્યાઓ ઉપરાંત ન્યુરોલોજીકલ તથા ઓર્થોપેડિક સર્જરી બાદની ફિઝિયોથેરાપી સેવાઓ પણ ઉપલબ્ધ રહેશે. જેમાં TKR, THR, ફ્રેક્ચર બાદની સારવાર તેમજ બેલ્સ પાલ્સી, સેરેબ્રલ પાલ્સી, એર્બ્સ પાલ્સી, ક્લબ ફૂટ જેવી સ્થિતિઓ માટે વિશેષ કસરતો અને થેરાપીનો સમાવેશ થાય છે.
આ ઉપરાંત ચક્કર, માઈગ્રેન જેવી સમસ્યાઓ માટે વેસ્ટિબ્યુલર રિહેબિલિટેશન, ગર્ભાવસ્થા પૂર્વ અને બાદની કસરત, તેમજ વજન ઘટાડા માટેની તાલીમ પણ આપવામાં આવશે. સારવારનો સમય સવારે 9:00 થી 1:00 અને બપોરે 3:00 થી 5:30 સુધી રાખવામાં આવ્યો છે.
વ્રજ હોસ્પિટલ ન્યારા પેટ્રોલ પંપ પાસે, સનાતન રોડ, દ્વારકા ખાતે આવેલ છે. દર્દીઓ માટે હોમ વિઝિટિંગની સુવિધા પણ ઉપલબ્ધ છે, જે દ્વારકા, મિઠાપુર, ઓખા, આરંભડા તથા આસપાસના વિસ્તારોમાં આપવામાં આવશે. વધુ માહિતી માટે 9974857174 પર સંપર્ક કરી શકાય છે.
